Saathi

Aaj na jaane kyon dil udaas sa hai, kuchh samajh men nahi aa raha ki hua kya hai. Jawab mila main tujhse door hoon na isliye tujhe aisa lag raha hai. Ye baat mere ek telephonic conversation se hai. Ek baar baithe baithe achanak se dil kiya rone ka, dil kiya kisi se haal-e-dil share karne ka, bas dil hi kiya tha ki phone ki ghanti bajne lagi, dekha mere best friend ka phone hai. Hi hello ke baad poochhne laga mujhe jaane kyon aisa laga tha jaise u need me this time. I was amazed, how he got to know it. Sach hai ki us time mujhe shiddat se ehsaas ho raha tha ki i need my friend.
Shayad dost aise hi hote hain, ek dost hai jise jaante hue abhi mujhe zyada din nahi hue hain, lekin jab bhi dil ghabraata hai wo jaane kahan se khushiyaan lekar chala aata hai. Kuchh is tarah se ki main rote rote hansne lagti hoon. Dua karti hoon Allah se ki aisa dost sabhi ko mile.........lekin agar aisa dost sabhi ko milne laga to sab meri tarah ho jaayenge.
Ye maine kyon bola kyonki mere is dost ka influence hai ki main kuchh bhi karne se pahle isse zaroor poochhti hoon, aur aaj tak isne jo bhi bataya hai wo sahi hua hai. Lucky me.
Aaj jab online aayi to bahot khush thi, phir kuchh aisa hua ki dil se dua karne lagi ki ye dost aa jaye, aur dil ki dua thi ki wo aa gaya. Mood jo kharab hua tha wo sahi ho gaya ekdam se. Ham kabhi kabhi selfish se ho jaate hain lekin bahot kam log maine aise dekhe hain jo ki selfish nahi hote atleast hamare saath. Aanindya mera dost, ek aisa hi insaan hai. Ab aadat si pad gayi hai uske saath apni baaton ko share karne ki, hansne ki, leg pulling karne ki aur jitni main karti hoon utni hi wo bhi karta hai meri.
Lucky feel karti hoon khud ko jab dekhti hoon ki jab bhi akeli ho jati hoon mere dost mere saath hote hain. Dua hai Aanindya aur Karan jaise dost har kisi ko milen jo khushiyon men hi nahi aapki zaroorat ke waqt men bhi jab aap bilkul maayus rahen tab bhi aapka saath na chhoden.
Love u both Aani and Karan, both r unique for me.